في بداية كل عــــام يفرح طلاب الفرقة الإعدادية بدخولهم و انتقالهم من المجتمع الثانوي إلي مجتمع الهندسة و لا سيما تكون فرحة المهندسين أكبر إذ أنهم و بفضل الله وصـــلوا إلي أمنيتهم في الدخول إلي كلية القمة التي كانوا ينشدونها
و أود أن أهنئ الجميع بسلامة الوصول إلي أرض المعركة الجديدة ......فعلي جميع الطلاب الجدد ربط الاحزمة و شد المساطر و تجهيز البراجل لبدء خوض الدراسة في الكلية .
و لأن الفرحة تكون عـــارمة فيذهب الطالب لشراء الادوات الهندسية مبكرا و للاسف بعض المكتبات بجوار الكلية تقوم باستغلال عدم معرفة الطالب بألادوات المستخدمة من الادوات غير المستخدمة و بتديله كل الادوات حتي اللي هيفضل طول حياته يتفرج عليها بس و ما يستخدمهاش ...و نظرا للحالة الاقتصادية للبلد ( مش عارف فيه قد ايه وصلوا خط الفقر دلوقتي في السباق المحموم لللوصول اليه ) فرفقا بأهالي الطلاب هأقول إيه هي أهم الادوات الهندسية اللي نشتريها مع بداية العام الجديد .
الاقلام السنون : أنسي بقي القلم الجاف خــــالص لأنك في كلية هندسة هتكتب و تحل وترسم و تشخبط و تعمل كل اللي نفسك تعمله بالقلم الرصاص السنون حتي في امتحان أخر العام و نصف العام بتحل في ورقة الاجابة بالقلم الرصاص (مش قلتلك نقلة نوعية من الثانوي للكلية ) فلازم تشتري قلم سنون
بس في كذا قلم سنون و كمان ليه درجات من حيث السنون المستخدمة ركز معايـــا
في قلم سنون 0.5 مم ( دا اشهر نوع ) و في 0.7 مم و في 0.9 مم و فيه 0.3 مم
طبعا كل ما السن كبر في عدد الــمم كل ما كان عرض الخط المكتوب بيه أتخن
في بقي من حيث التتقيل ( يعني أقصد تقل الرصاص بتاع القلم يعني رصاص تقيل و لا خفيف )
للخفيف و رمز الـــ H هتلاقي بقي من حيث التقل فيه درجات أشهرها رمز الــ
للتتقيل B
2H ............. يعني السن الخفيف جدا هيبقي رمزه
H ............. و السن الخفيف هيبقي رمزه
HB ............. و السن المتوسط ( لا خفيف و لا تقيل ) هيبقي رمزه
B ............. و السن التقيل هيبقي رمزه
2B ............. و السن التقيل جدا هيبقي رمزه
طبعا تخانة السن مالهاش علاقة بمدي درجة الرصاص خفيف أو تقيل
يعني هتلاقي سنون 0.5 مم في كل درجات الرصاص
طيب لما تروح تشتري غالبا بيحطلك كذا قلم سنون و بيديك كذا درجة حبر
HB طبعا كل دا ممكن تعمله ببساطة لو اشتريت قلم سنون 0.5 و سنون درجة الرصاص فيها
B لو تقلت بايديك شوية اثناء الرسم هتحصل علي درجة رصاص
H و لو خففت إيديك هتحصل علي درجة رصاص
rotrinhgأفضل ماركة في الاقلام السنون هي الـــ
هتلاقي القلم السنون في حدود 12 جنيه مثلا
و ممكن تشتري اي ماركة تانية في حدود 4 -6 جنيه
